पाठ्यपुस्तकको पहिलो पृष्ठमा बुद्ध र पृथ्वीनारायणको तस्बिर राख्न माग
काठमाडौं: राप्रपा निकट विद्यार्थी संगठन राप्रविसंले हरेक पाठ्यपुस्तकको पहिलो पेजमा पृथ्वीनारायण शाह र गौतम बुद्धको तस्बिर राख्न माग गरेको छ। बुधबार संगठनले विज्ञप्ति जारी गर्दै यस्तो माग गरेको हो।
विज्ञप्तिमा भनिएको छ 'जुन देशमा राष्ट्र निर्माताको अपहेलना हुन्छ त्यो देशमा विकासको मूल सुकेर जान्छ, अहिलेका गणतन्त्रवादीहरुले राष्ट्रनिर्मातालाई सम्झन पनि लायक ठानिदैन। फलस्वरुप जनताले दु:ख भोगिरहेका छन्।'
यस्तै राप्रविसंले गणतन्त्रको उदय पश्चात राष्ट्रनिर्मातालाई पनि सामन्तकै टोकडीमा सीमित राखेकोमा आपत्ति जनाएको छ। नयाँ पुस्तामा नेपालीमा रहेको बुद्धत्व, वीरता र गौरवपूर्ण इतिहासको गाथा उत्तिकै सम्मानमा राख्न र राष्ट्र निर्मातालाई हरेक ढुकढुकीमा पुर्याउन पाठ्यपुस्तका माध्यम उपयोगी रहेको राप्रविसंको ठहर छ।
प्रतिक्रिया दिनुहोस !
