ट्याक्टर दुर्घटनामा चालकको मृत्यु
गाईघाट : उदयपुरमा बुधबार भएको ट्याक्टर दुर्घटनामा चालकको मृत्यु भएको छ। त्रियुगा नगरपालिका ११ चप्नमा स.१ त २०१० नम्बरको ट्याक्टर दुर्घटना हुँदा चालक सोही ठाउँका २३ वर्षीय मनोज परियारको मृत्यु भएको हो।
खोलाबाट ढुंगा लोड गरेर गाउँतर्फ जाँदै गरेको ट्याक्टर उकालो चढ्ने क्रममा पल्टिएको थियो। दुर्घटनामा परी ट्याक्टरको अगाडीको भागले किचेर परियारको घटनास्थलमा नै मृत्यु भएको जिल्ला प्रहरी कार्यालय उदयपुरका प्रमुख नरबहादुर केसीले बताए।
प्रतिक्रिया दिनुहोस !
