दुर्घटनामा विद्यालय निरीक्षकको मृत्यु
बुटवल : जिल्ला शिक्षा कार्यालय रुपन्देहीका विद्यालय निरीक्षक चन्द्रबहादुर कुंवरको सडक दुर्घटनामा मृत्यु भएको छ। जिल्ला शिक्षा कार्यालय जाने क्रममा उनी सवार मोटरसाइकल दुर्घटनामा परेको हो।
बुटवल-भैरहवा सडक खण्डको पड्सरीमा बुटवलबाट भैरहवातर्फ जांदै गरेको लु.१.ख ५०२६ नम्बरको ट्रकले सोही दिसामा गईरहेका कुंवर सवार लु.१८.प २६७८ नम्बरको मोटरसाइकललाई ठक्कर दिएको थियो।
ट्रकको ठक्करबाट गम्भिर घाइते भएका कुंवरको उपचारका क्रममा मृत्यु भएको जिल्ला प्रहरी कार्यालय रुपन्देहीले जनाएको छ।
कुवंरको मृत्यु भएपछि रुपन्देहीका निजी विद्यालयहरु बिहीबार एक दिन बन्द गरिने भएको छ।
प्रतिक्रिया दिनुहोस !
