सिन्धुलीः बनेपा–सिन्धुली–बर्दीवास सडक खण्ड (वीपी राजमार्ग) सञ्चालनमा आएसंगै सडक दुर्घटनाको संख्या दिन प्रतिदिन बढ्दै गएको छ। जिल्ला प्रहरी कार्यालय सिन्धुलीका अनुसार साना मोड, घुमाउरो सडक, ठूला सवारी साधन र सवारी साधनको चाप बढेसंगै दुर्घटना पनि बढेको हो।
सिन्धुलीका प्रहरी प्रमुख उमाशंकर पंजियारका अनुसार वीपी राजमार्ग निर्माणदेखि हालसम्मको सात वर्षमा १ सय ४५ वटा सडक दुर्घटना भएका छन् । यस्ता साना ठुला दुर्घटनामा परी १ सय ४५ जनाको ज्यान गएको छ भने झण्डै सात सयको हाराहारीमा घाइते भएका छन् ।
‘सिन्धुलीको भिमान स्थित चुरे देखि नेपालथोक सम्मको करिब ९५ मिलोमिटर सडकमा वर्षेनी २० वटा बढी साना ठुला सडक दुर्घटना भएको पाइएको छ । जस अन्तर्गत १ सय ४५ वटा सडक दुर्घटना भएका छन्,’ पंजियारले बताए।
जिल्लामा गत आर्थिक वर्ष २०७३/०७४ मा मात्र वीपी राजमार्गमा ३६ वटा सवारी दुर्घटना भएका छन। जसमा ३१ जनाको मृत्यु भएको छ भने ४७ जना घाईते भएका छन्।
प्रतिक्रिया दिनुहोस !
