बिजुली चोर्ने १६ जना पक्राउ
राजविराज : अङ्कुसे लगाई विद्युत् चुहावट गर्ने १६ जनालाई बिहीबार पक्राउ गरी नेपाल विद्युत् प्राधिकरण, राजविराजले कारवाही गरेको छ ।
विद्युत् प्राधिकरण कर्मचारी र प्रहरीको संयुक्त अनुगमन टोलीले बिजुली पोलमा सिधै अङ्कुश लगाई विद्युत् चोरी गर्नेहरुलाई पक्राउ गरेको जनाइएको छ ।
टोलीले विरपुर ४ का समिम मिया, बच्चु अन्सारी, मो.नजबुल, विरपुर ६ का नेवी मिया, पंसेरा ३ का इन्द्रनारायण चौधरी, पंसेरा ७ का सकलदेव ठाकुर, विन्देश्वर मण्डल, कल्याणपुर ७ का मो.परबेज, कृष्ण मण्डल, श्यामकुमार राम, ओद्राहा ९ का चन्देश्वर राम, लालापट्टी १ का रामकुमार राम, सन्तोष राम, बुधेश्वर राम, कडरबोना ४ का वरकैत मियाँ र प्रवाहा ४ का नारायण यादव पक्राउ गरेको प्रहरी नायव उपरीक्षक यादवराज उप्रेतीले बताउनु भयो ।
पक्राउ परेका व्यक्तिलाई विद्युत् चोरी नियन्त्रण ऐनअन्तर्गत कारबाही गरिने जिल्ला प्रहरी कार्यालय सप्तरीका प्रहरी उपरिक्षक मुकेशकुमार सिंहले बताउनु भयो ।
प्रतिक्रिया दिनुहोस !
