डोल्पामा एमालेको प्यानल निर्विरोध
सिमकोट : जिल्ला समन्वय समिति डोल्पाको मनोनयनमा नेकपा एमालेका उम्मेरदवार सेरबहादुर बुढाको प्यानलको मात्रै मनोनयन परेपछि निर्विरोध भएको छ ।
मुख्य निर्वाचन अधिकृतको कार्यालयम सोमबार भएको मनोनयनमा बुढा नेतृत्वको टोलीको मात्रै एकल मनोनयन परेपछि निर्विरोध भएको डोल्पाका मूख्य निर्वाचन अधिकृत सनतचन्द्र लवटले जानकारी दिए ।
उनका अनुसार संयोजक र उपसंयोजकसहित आठ सदस्य एमाले र एक सदस्य राप्रपाको मिलेर संयुक्त रुपमा प्यानल बनाएर मनोनन दर्ता गराएका थिए । उनीहरुको मात्रै मनोनयन परेपछि निर्वारोध भएका उनीहरु हुन । औपचारिक घोषणा भने बुधवार हुनेछ ।
निर्विरोध हुनेमा एमालेका संयोजक सेरबहादुर बुढा, उपसंयोजक नरबहादुर बुढा दलित सदस्यमा प्रेम लाल कामी, महिला सदस्यमा देवीलक्ष्मी रोकाया,देवी घर्ती, माया ठकुल्ला, खुल्ला सदस्यमा रामप्रसाद महत, मैन ठकुल्ला र राप्रपाबाट खुल सदस्यमा चन्द्रबहादुर बुढा रहेका छन् ।
दुई नगरपालिका र ६ गाउँपालिका गरेर १६ मत रहेको डोल्पामा १० मत एमाले, तीन मत राप्रपा र तीन मत माओवादी केन्द्रको छ ।
प्रतिक्रिया दिनुहोस !
