भक्तपुरमा खोलाले बगाउँदा महिलाको मृत्यु
भक्तपुर : खोलाले बगाउँदा भक्तपुरको सूर्यविनायक नगरपालिका ७ मा बिहीबार एक महिलाको मृत्यु भएको छ ।
महानगरीय प्रहरी परिसर भक्तपुरका अनुसार स्थानीय ठाडो खोला तर्ने क्रममा खोलाले बगाउँदा सूर्यविनायक नपा ४ खड्का गाउँ दधिकोट बस्ने ५६ वर्षीया सत्यावती खड्काको ज्यान गएको हो । धान खेत हेरेर घर फर्कन गोकुलघाटबाट खोला तर्ने क्रममा खड्कालाई बगाएको प्रत्यक्षदर्शीलाई उद्धृत गर्दै परिसरका प्रवक्ता प्रहरी नायब उपरीक्षक कृष्ण प्रसाईंले जानकारी दिए ।
उनका अनुसार खड्काका लास खोलाले बगाएको ठाउँको करिब एकसय मिटर तल कल्भर्टमा भेटिएको थियो । बिहीबार दिउँसो परेको भीषण वर्षा भएको थियो। सोही वर्षाको कारण खोलाको बहाव तीव्र रहेकाले खड्काले तर्न नसक्दा उल्टै बगाएको हुनसक्ने प्रहरीले अनुमान गरेको छ ।
घटनबारे थप अनुसन्धान कार्य भइरहेको परिसरले जनाएको छ ।
प्रतिक्रिया दिनुहोस !
