पहिरोले एकको मृत्यु, चार वेपत्ता
बागलुङ : जिल्लाको दुर्गम पश्चिम अधिकारीचौर र देविस्थानमा शुक्रकार बिहान गएको पहिरोले दुई घर पुरिँदा एक जनाको ज्यान गएको छ भने चार जना वेपत्ता भएका छन् ।
ढोरपाटन नगरपालिका-५ पाखापानी (साविकको अधिकारीचौर गाविस) का ५३ वर्षीय ओमप्रकाश विकको घरमाथिबाट आएकाले पहिराले घर पुरिँदा विकको ज्यान गएको हो । सोही घरमा बस्दै आएका विकका श्रीमतीसहित तीन जना छोरीको भने स्थानीयले सकुशल उद्धार गरेको प्रहरीले जनाएको छ ।
यसैगरी, निसीखोला गाउँपालिका २ बाउनगाउँ (साविकको देविस्थान गाविस) का मनमाया छन्त्यालको घर पहिरो बगाउँदा एकै परिवारका चार जना बेपत्ता भएका छन् । सोही स्थानका ६८ वर्षीय मनिराम छन्त्याल, उनका ६३ वर्षीया नन्दकली छन्त्याल, बुहारी २२ वर्षीय बिन्दु छन्त्याल र १८ वर्षीय छोरी गिता छन्त्याल बेपत्ता भएको स्थानीयले बताएका छन् ।
पहिरोमा पुरिएका उनीहरुको इलाका प्रहरी कार्यालय झिवाखोलाबाट गएको प्रहरी टोली र स्थानीयले खोजी कार्य जारी राखेका छन् ।
प्रतिक्रिया दिनुहोस !
