काठमाडौं : द ब्रिटिस कलेजकी रेजिका महर्जन सन् २०१७ जुनमा भएको पी-३ बिजनेस एनलाइसिस प्रोफेसनल एसीसीए परीक्षामा विश्व प्रथम भएकी छिन् । यसभन्दा पहिलेको स्किल लेभल परीक्षामा नेपाल प्रथम भइसकेकी महर्जनले अहिलेसम्मकै सबैभन्दा ठूलो उपलब्धी हासिल गरेकी हुन् । यसअघि एसीसीएको कुनै पनि मोडुलमा नेपालले विश्वकै प्रथम स्थान प्राप्त गरेको थिएन ।
एसीसीए एक व्यावसायिक शैक्षिक योग्यता हो जुन एक सय ८० देशमा प्रदान गरिन्छ । एसीसीएले विद्यार्थीलाई एकाउन्टिङ र फाइनान्स करिअरको लागि तयार गर्छ जुन विश्वव्यापी मान्यता प्राप्त छ । यो कोर्स अन्य शैक्षिक योग्यताभन्दा भिन्न छ । यो कोर्सको परीक्षामा विद्यार्थी आफैंले चार परीक्षा पिरियड छान्न सक्छन् जसले उनीहरूको कोर्स मूल्यांकन गर्छ ।
एसीसीएको खुला प्रवेश नीतिले यसको अध्ययन गर्न कुनै ट्रेनिङ सम्झौता र कार्यानुभव चाहिँदैन । द ब्रिटिस कलेजले ‘एकाउन्टिङ एन्ड बिजनेस' र ‘एडभान्स्ड डिप्लोमा इन एकाउन्टिङ एन्ड बिजनेस' को साथमा अक्सफोर्ड ब्रुक्स युनिभर्सिटी बेलायतबाट ‘बिएस्सी इन एप्लाइड एकाउन्टिङ' पूरा गर्ने सुविधा उपलब्ध गराएको छ ।
प्रतिक्रिया दिनुहोस !
