चितवन : दर्जन ठाउँमा पहिरो खसेर अवरुद्ध नारायणगढ–मुग्लिन–सडकखण्डका तीन दिनपछि खुलेको छ । बुधबार साँझ ७ : ३५ बजे कालीखोला नजिकै तीनकिलो भन्ने ठाउँमा खसेको पहिरो ४२ घन्टापछि खुलेका हो । सडकखण्ड शुक्रबार दिउँसो २ : १५ बजेपछि खुलेको चितवन ट्राफिक प्रहरी प्रमुख सन्तोष पन्तले जानकारी दिए ।
बुधबार साँझ काठमाडौँबाट इलाम जान आउँदै गरेको ना ६ ख ७१२१ नम्बरको यात्रुबाहक बस र बा १५ च ९३८१ नम्बरको स्कारपियो जीप पहिरोले पुरिएका थिए ।
बस त्रिशूलीमा खसेर बेपत्ता छ भने स्कारपियो पहिरोमा पुरिएको थियो । पहिरो खसेको देखेपछि चालकले गाडी रोकेपछि चालक र यात्रु भागेर बाँच्न सफल भएका थिए ।
शुक्रबार दिउँसोबाट भने दुवैतर्फी बाटो खुला भएको प्रहरीको भनाइ छ । अविरल पानी परेपछि लामो समय बाटो अवरुद्ध हुँदा हजारौँ यात्रु र सयौँ सवारी साधन अलपत्र परेका थिए ।
प्रतिक्रिया दिनुहोस !
