काठमाडौं : १२ दिनदेखि अनसनरत प्रा.डा. गोविन्द केसीका मागका सम्बन्धमा प्रधानमन्त्री शेरबहादुर देउवाले सत्ता गठबन्धन नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र प्रमुख प्रतिपक्षी दल एमालेका अध्यक्ष केपी ओलीसँग छलफल गर्दै छन्।
प्रधानमन्त्री देउवाले डा. केसीका मागको सम्बन्धमा छलफल गर्न प्रचण्ड र ओलीलाई शुब्रबार दिउँसो ४ बजे प्रधानमन्त्री कार्यालय सिंहदबार बोलाएका छन्।
प्रधानमन्त्रीको निजी सचिवालयका अनुसार प्रचण्ड, ओलीसहित सरोकारवालालाई राखेर प्रधानमन्त्री देउवाले केसीका मागबारे छलफल गर्न लागेका हुन्।
डा. केसी स्वास्थ्य क्षेत्रको सुधारका माग राख्दै साउन ९ गतेदेखि ११ औँ अनसनमा छन्। अनसन बसेको १२ औँ दिनपुग्दा समेत सरकारले माग सम्बोधन नगरेको भन्दै आलोचना भइरहेका बेला प्रधानमन्त्रीले शीर्ष नेता र सरोकारवालालाई छलफलमा बोलाएका हुन्।
प्रतिक्रिया दिनुहोस !
