शौच गर्न गएका बृद्ध खोलामा बगे
महेन्द्रनगर: कञ्चनपुरको बेदकोटमा खोलाले बगाउँदा एक बृद्धको मृत्यु भएको छ। बिहीबार राति घर नजिकैको खोलाले बगाउँदा मृत्यु भएको हो।
मृत्यु हुनेमा बेदकोट नगरपालिका वडा नम्बर ५ बस्ने वर्ष ७३ का साधुराम खुना रहेका छन्। उनको बिहीबार साँझ घर नजिकै रहेको पोलखरी खोलाले बगाएको हो। राति खोलाले बगाएका बृद्धको शुक्रबार बिहान शव भेटिएको जिल्ला प्रहरी कार्यालय कञ्चनपुुरले जनाएकोे छ।
उनी स्थानीय मुुक्त कमैया शिविरमा बस्दै आएका थिए। रातिको समयमा खोला नजिकै शौच गर्न गएको समयमा उनलाई बगाएको बताईएको छ। मृतकको शव पोष्टमार्टम पछि परिवारलाई बुझाइएको प्रहरी प्रवक्ता डीएसपी भीम दाहालले जानकारी दिए।
प्रतिक्रिया दिनुहोस !
