काठमाडौं: सिनामंगल क्षेत्रलाई सफा र सुन्दर बनाउन 'हाम्रो सिनामंगल, राम्रो सिनामंगल' अभियान सुरु भएको छ।
शनिवार देखि सुरु भएको अभियानको काठमाडौं महानगरपालिकाकी उपप्रमुख हरीप्रभा खड्गीले उद्घाटन गरिन्। काठमाडौं बढ्दो अव्यबस्थित शहरीकरणले शहरलाई कुरुप बनाएको भन्दै स्थानीय युवाको अगुवाई यो अभियान सुरु भएको हो।
मिर्मिरे युवा समाजले अभियानको थालनी गरेको हो। अबदेखि नियमित रुपमा सिनामंगल क्षेत्रमा सरसफाई गर्ने समाजका अध्यक्ष राजीव थापाले बताए। उनले गुरुयोजना बनाएरै सिनामंगल क्षेत्रको सुन्दरता बढाउने काममा जुट्ने बताए।
शनिवार पहिलो दिन सडक छेउछाउमा पानीको फोहोरामार्फत सरसफाई गरिएको थियो। महानगर उपप्रमुख खड्गीले पनि महिनाको एक पटक पानीको फोहोरामार्फत सरसफाई गर्ने व्यबस्था गरिने बताईन्।
सिनामंगल क्षेत्रमा बृक्षारोपण देखि सिसिटिभी जडान समेत गरिने कार्यक्रम संयोजक दिनेश विक्रम शाहले जनाए।
प्रतिक्रिया दिनुहोस !
