एउटै झन्डामा भरतपुरमा कांग्रेस-माओवादीको विजय जुलुस (फोटोफिचर)
चितवन : शनिबार राति भरतपुर महानगरपालिकामा विजयी भएपछि कांग्रेस-माओवादी गठबन्धनले आइतबार चितवनमा विजय जुलुस गरेको छ। भरतपुर महानगरपालिकाको मेयर र उपमेयरमै गठबन्धनका उम्मेदवार विजयी भएपछि कांग्रेस र माओवादीले संयुक्त विजय जुलुस निकालेका हुन्।
चौबिस कोठीबाट सुरु भएको जुलुस नारायणगढको पुल्चोक पुगेको थियो। जुलुसलाई आकर्षक बनाउन बाजागाजासहित नाचगान गरिएको थियो। महानगरको प्रमुखमा माओवादी केन्द्रकी रेणु दाहाल र उपप्रमुखमा कांग्रेसकी पार्वती शाह विजयी भएका छन्। विजय जुलुसमा सहभागी हुन गाउँ गाउँबाट नेता तथा कार्यकर्ता नारायणगढ आएका थिए।
प्रतिक्रिया दिनुहोस !
