अफगानिस्तानमा तालिवान र इस्लामिकद्वारा आक्रमण, बालबालिकासहित ५०को मृत्यु
एजेन्सी: अफगानिस्तानको उत्तरी प्रान्त सार-ए-पोलमा तालिवान र इस्लामिक स्टेटका विद्रोहीले हमला गर्दा ५० जनाको मृत्यु भएको छ। बीबीसीका अनुसार महिला र विद्रोहीहरुले मिर्जावालङ क्षेत्रमा सुरक्षा शिविरहरुमा आक्रमण गर्दा महिला तथा बालबालिकासहित ५० जनाको मृत्यु भएको हो।
विद्रोहीहरुले उक्त गाउँमा प्रवेश गरेर अन्धाधुन्ध आक्रमण गरेका थिए। अफगानिस्तानका अधिकारीहरुले भनेका छन् ' विद्रोहीहरुले गाउँमा पसेर आक्रमण गर्दा गाउँका महिला तथा बालबालिका निशानामा परेका छन्।साथै गैरसैनिकहरुको क्रुर र अमानवीय तरिकाले मारिए।'
यस्तै आम्रमणमा परी२८ जना सरकार समर्थित विद्रोही समूहका सदस्य मारिदिएको प्रशासनले दाबी गरेको छ भने केही विद्रोही पनि मारिएको बीबीसीले उल्लेख गरेको छ।
अफगानिस्तानका राष्ट्रपति अशरफ गनीले एक वक्तव्यमार्फत उक्त आक्रमणको भर्त्सना गरेका छन्।उनले भनेका छन्, 'अपराधी आतंकवादीहरुले फेरी गैरसैनिक, महिला र बालबालिकाको हत्या गरेका छन्।यो अमानवीय कार्य हो र मानव अधिकार र युद्ध अपराध कानूनको ठाडो उल्लंघन हो।'
यता, हमलामा आफूहरुको कुनै पनि संलग्नता नरहेको तालिवान र इस्लामिक स्टेट विद्रोहीहरुले बताएका छन्।
प्रतिक्रिया दिनुहोस !
