काठमाडौं: प्रधानमन्त्री शेरबहादुर देउवाले मुलुकमा शान्ति सुरक्षा र कानूनी शासन कायम गराउन कटिवद्ध भएर काम गर्न उच्च प्रहरी अधिकृतहरूलाई निर्देशन दिएका छन्।
सोमबार प्रधानमन्त्री कार्यालय सिंहदरवारमा भेट्न आएका नेपाल प्रहरीका महानिरीक्षक प्रकाश अर्याल र हालै बढुवा भएका अतिरिक्त प्रहरी महानिरीक्षकहरूलाई निर्देशन दिँदै जन-धनको सुरक्षाका साथै प्रहरीको छविलाई उच्च राखेर काम गर्न निर्देशन दिएका हुन्।
प्रधानमन्त्रीले असोज २ गते हुने प्रदेश नम्वर २ को चुनावका लागि विशेष सुरक्षा सतर्कता अपनाउन पनि प्रहरीलाई निर्देशन दिएका छन्। प्रहरीको काम सुरक्षा मात्रै नभई जनताको दुख-सुखमा साथ दिने पनि भएको उल्लेख गर्दै प्राकृतिक प्रकोपमा पनि प्रहरी चुस्त रुपमा कार्य गर्न निर्देशन दिएका थिए।
प्रधानमन्त्रीले २ नम्वर प्रदेशको स्थानीय चुनाव र त्यसलगत्तै हुन लागेको प्रतिनिधसभा र प्रदेससभाको चुनावमा शान्ति सुरक्षाको अवस्था मजबुत पार्न पनि निर्देशन दिएको प्रधानमन्त्रीका बरिष्ठ सञ्चार विज्ञ गोविन्द परियारले बताए।
प्रतिक्रिया दिनुहोस !
