काठमाडौं: स्ट्यान्डर्ड चार्टर्ड बैंक नेपाल ‘एसिया बेस्ट ब्रान्ड इम्प्लोएर ब्रान्ड अवार्ड २०१७' बाट सम्मानित भएको छ।
गत मंगलबार यस अवार्डको आठौं संस्करण सिंगापुरमा आयोजना भएको थियो। इम्प्लोएर ब्रान्डिङ, वल्र्ड एचआरडी कंगे्रस र रणनीतिक साझेदारद्वारा हरेक वर्ष प्रदान गरिने उक्त अवार्ड नेपालको तर्फबाट सिंगापुरको स्ट्यान्डर्ड चार्टर्ड बैंकले ग्रहण गरेको बैंकले जनाएको छ।
बैंकका अनुसार इतिहास र व्यवस्थापनमा स्नात्तकोत्तर गरेका र अनुसन्धानको क्षेत्रमा आठ वर्षभन्दा बढिको अनुभव हासिल गरेका एसियाका स्वतन्त्र व्यावसायिक व्यक्तिको एक समूहले प्रत्येक राष्ट्रमा उत्कृष्ट रोजगारदाताका सम्बन्धमा बेग्ला बेग्लै अनुसन्धान गरेका थिए।
विजेताको छनोटमा उक्त संस्थाले अपनाएका रणनीतिक योजना, योजनाको कार्यान्वयन, व्यवसायीकरण र संस्थाको सुदृढ भविष्यका लागि अपनाइएका नीतिसहितको समग्र दृष्टिलाई आधार बनाइएको कम्पनीले जनाएको छ। स्ट्यान्डर्ड चार्टर्डले यसअघि नै यस वर्षको युरोमनी अवार्ड फर एक्सिलेन्स २०१७ र बेस्ट डिजिटल बैंक अवार्ड २०१७ प्राप्त गरिसकेको छ।
प्रतिक्रिया दिनुहोस !
