मोटरसाइकलको ठक्करबाट एकको मृत्यु
मलंगवा : मोटरसाइकलको ठक्करबाट मंगलवार राति सर्लाहीको लालबन्दी नगरपालिकामा एकजनाको मृत्यु भएको छ ।ठक्करबाट लालबन्दी नगरपालिका- ६ का ४२ वर्षीय चन्द्रबहादुर थापाको मृत्यु भएको जिल्ला ट्रफिक कार्यालय सर्लाहीले जनाएको छ । सडकमा डुल्दै गरेको अवस्थामा पश्चिमबाट पूर्व तर्फ जाँदै गरेको ज १ प ९७८४ नम्बरको मोटरसाइकलले थापालाई ठक्कर दिएको प्रहरीले जनाएको छ ।
दुर्घटनामा मोटरसाइकल चालक लालबन्दी-१५ का श्याम स्याङ्गबो र मोटरसाइकलमा सवार सोही ठाउँका बिचारमान योन्जन घाइते भएका छन् । स्याङ्गबोको समान्य उपचार पश्चात थप उपचारका लागि हेटौडा पठाइएको छ । योन्जनको लालबन्दीमै उपचार भइरहेको प्रहरीले जनाएको छ ।
प्रतिक्रिया दिनुहोस !
