धर्तीको सुर्यलाई जोगाउनै गाह्रो : ओली
इलामः नेकपा एमालेका अध्यक्ष केपी शर्मा ओलीले पार्टीलाई देशी विदेशी आक्रमणबाट जागाउन निक्कैै मेहनत गर्नुपरी रहेको बताएका छन् ।
प्रदेश नम्बर १ को स्थानीय तहमा निर्वाचित जनप्रतिनिधिहरुको अभिमुखीकरण कार्यक्रमलाई सम्बोधन गर्न मंगलबार इलाम आइपुगेका ओलीले सो कुरा बताएका हुन् ।
‘आकासको सुर्यलाई त एकछिन ग्रहण लाग्छ हट्छ ।' उनले भने ‘धर्तीको सुर्यलाई लाग्ने गरेको ग्रहण हटाउन साह्रै गाह्रो ।' उनले स्वदेशी, विदेशी ग्रहणले एमालेलाई छाप्ने प्रयास गरेको आरोप लगाए । ओलीले एमालेसँग प्रतिस्प्रर्धा गर्न नसकेपछि विपक्षीहरुले कुप्रचारको सहारा लिइरहेको भन्दै नव निर्वाचित प्रतिनिधिहरुलाई सचेत भएर काम गर्न आग्रह गरे ।
उनले एमालेविरुद्ध कतै केहि नपाएपछि राष्ट्रिपतिले गाडी खरिद प्रकरणदेखि काठमाडौंका मेयरले गाडी खरिद प्रकरणको समेत गलत रुपमा प्रचार गरेको आरोप लगाए । उनले दुबै प्रकरणको बचाउ गर्दै उनले भने ‘सबै झुटको सहारा ।'
एमाले प्रष्ट नीति र कार्यदिसा भएको पार्टी भएको भन्दै तिनै कुराले स्थानीय तहमा पहिलो पार्टी हुन सफल भएको दावी गरे । उनले जनप्रतिनिधिहरुले दाग नदेख्ने गरी काम गर्न आग्रह गरे । ‘छोपछाप पारेर, दाग लुकाएर अघि जान सकिदैन' उनले भने । उनले लोकतान्त्रिक मुल्य मान्यतालाई तलमाथी गर्न नदिने बताए ।
एमालेको राष्ट्रियता कसैको विरुद्ध नभएको ओलीले प्रष्ट पारे । एमालेले पारस्परीक लाभ र पारस्परीक सम्मानसहितको सम्बन्धको सम्बन्धको कुरा गरिरहेको उनको भनाई थियो ।
उनले एमालेलाई तराई मदेश विरोधी देखाउन खोजिएको आरोप लगाए । उनले एमाले राष्ट्रिय एकताकोविरुद्धमा नरहको प्रष्ट पार्दै तराई विरोधी कुरा नगरेको जिकीर गरे ।
ओलीले अघिल्ला निर्वाचनहरुमा सत्ताको दुरुपयोग गरेर सरकारले एमाले हराउन प्रयास गरेको आरोप लगाए । उनले भने ‘तपाइहरुलाई विजय हुन नदिनका लागि राज्य सत्ताको, प्रशासनको, राज्यका अंगहरुको र नियम कानुनहरुको उलङ्घन, अलोकतान्त्रीक, अमर्यादित र अनैतिक अस्त्र प्रयोग गर्दा गर्दै विजय गर्नुभएकाले तपाइहरुलाई बधाई ।' उनले जनप्रतिनिधिहरुमा पार्टी र मतदाता प्रतिको उत्तरदायित्व रहेको सम्झाए ।
उनले प्रदेश नबनेकाले कर्मचारी समायोजन लगायतका समस्या रहेपनि अन्तरीम व्यवस्थापन गर्नुपर्ने बताए । कतिपय कुरामा अस्पष्टता रहेपनि साझेदारहरुसँग सहकार्य गरेर व्यवस्थापन गर्दै अघि बढ्नुपर्ने बताए ।
कार्यक्रममा एमालेका बरिष्ठ नेता झलनाथ खनाल, महासचिव इश्वर पोख्रेल लगायतको उपस्थिती थियो ।
प्रतिक्रिया दिनुहोस !
