छ जनाको मृत्यु भएको पुष्टि

विराटनगर : अविरल बर्षाका कारण विराटनगर इटहरी लगयत पूर्वका विभिन्न ठाउँमा ठूलो क्षति भएको छ भने सुनसरीको इटहरीमा मात्र छजनाको ज्यान गएको पूर्व क्षेत्रीय प्रहरीले जानकारी दिएको छ ।

इटहरी ३ गैरी गाउँकी ३० वर्षीया माला शाहा र उनकी छोरी सिठी, भोजपुर घोरेटार घर भइ इटहरी ४ मा बस्ने माला राइ र उनका ३ वर्षीका छोरा रुपेश र ८ वर्षकी छोरी रुपसनीको ज्यान गएको प्रहरीले जानकारी दिएको छ ।

घरभित्र बाढी पस्दा विद्युत सर्ट भइ सुनसरी इटहरी ४ का ४० वर्षीय इश्वर सुनुवारको ज्यान गएको प्रहरले जानकारी दिएको छ । त्यसगरी इटहरी २० तरहरामा नाम खुल्न नसकेको अन्दाजी ७० बर्षको देखिने राइ थरका एक ब्यक्तीको मृत्यु भएको इलाका प्रहरी कार्यलय इटहरीका असइ सोम सुवेदीले जानकारी दिएका छन् ।

बाढीले बस्ती बगाएपछि हताहतीको संख्या थप बढ्ने अनुमान गरिएको छ । मोरङ र सुनसरी हुँदै बग्ने बुढी खोला, इटहरीको ट्याँग्रा खोला, मोरङको गछिया खोलामा बठुलो बाढी आएका कारण धेरै व्यक्तिको हताहती भएको हुनसक्ने अनुमान गरिएको छ । अहिले पुर्व क्षेत्रमा आकाशको पानी परिरहेका कारण उद्धार कार्यमा कठिनाई भएको छ । नेपाली सेना, शसस्त्र प्रहरी र नेपाल प्रहरी उद्धार कार्यमा जुटेका छन् ।