घाँटी रेटिएको अवस्थामा विद्यार्थीको शव भेटियो
महेन्द्रनगर : कन्चनपुरको महेन्द्रनगर स्थित सिद्धनाथ विज्ञान क्याम्पसमा अध्ययनरत एक बिद्यार्थीको घाँटी रेटिएको अवस्थामा क्याम्पसको होस्टेलमा शव भेटिएको छ । शनिवार बिहान होस्टेलको मेसमा उनी मृत भेटिएका हुन । होस्टेलको मेस ठेक्कामा लिएर क्याम्पसमा अध्ययन गर्दै आएका डम्बर जाग्री मृत भेटिएका हुन ।
उनको घाँटी पुरै रेटिएको छ । प्रहरीले अहिले घट्नास्थलमा मुचुल्का गरिरहेको छ । उनको हत्या भएको हो वा आत्महत्या भन्ने खुलेको छैन । प्रहरीले मेसमा काम गर्दै आएका ३ जनालाई नियन्त्रणमा लिएको छ । नेकपा माओवादी केन्द्र निकट अखिल क्रान्तिकारीका क्याम्पस ईकाई कमिटी अध्यक्ष समेत रहेका उनी स्नातक तह चौथो बर्षमा अध्ययनरत थिए । प्रहरीले घटनाको अनुसन्धान सुरु गरिएको र अहिले नै केही भन्न नसकिने जनाएको छ ।
प्रतिक्रिया दिनुहोस !
