पहिरो र बाढीग्रस्त क्षेत्रमा उच्च सतर्ककता अपनाउन गृहमन्त्रालयको अपिल

काठमाडौ गृहमन्त्रालयले मुलुकका बिभिन्न नदीहरुको जलसतह बढेको र केहि नदीहरुको जल सतह खतराको तह भन्दा माथि गएकोले सबैलाई आ आफनो तर्फबाट उच्च सतर्कता अपनाउन अपिल गरेको छ । गृहमन्त्रालयका प्रवक्ता दीपक काफलेले बाढी,पहिरो र डुवानबाट जनधनको ठूलो क्षति भएको र यसबाट सार्वजनिक जीवन प्रभावित भएको बताएका छन् ।
झापा,मोरङ,सुनसरी,सप्तरी,रौतहट,दाङ,बाँके लगायतका जिल्लाहरुका बिभिन्न स्थानहरु बाढी र डुवानबाट बढी प्रभावित भएको गृहमन्त्रालयले जनाएको छ ।
खोज,उद्धार र राहतका लागि स्थानीय प्रशासनको नेतृत्वमा नेपाली सेना,नेपाल प्रहरी,सशस्त्र प्रहरी बल,तालिमप्राप्त सुरक्षाकर्मी र अन्य उपलब्ध जनशक्ति उच्च प्राथमिकताका साथ परिचालन भइरहेको पनि गृहमन्त्रालयले बताएको छ ।

‘गृह प्रशासनले नेपाल सरकारका सबै निकायहरु वीच आवश्यक समन्वय गरिरहेको छ । ‘यस कठिन घडीमा खोज,उद्धार र राहत कार्यमा सहयोग पुरयाउन र समस्यामा परेका परिवारलाई दैनिक जीवनमा आवश्यक पर्ने खाद्यान्न लगायतका सामग्री उपलब्ध गराउने कार्यमा आ आफनो तर्फबाट सहयोग गर्न उद्योगी,व्यवसायी,सामाजिक क्षेत्रमा क्रियाशिल संघ संस्थाहरु,समाजसेवी र सञ्चारमाध्यम सबैमा गृहमन्त्रालय हार्दिक अपिल गर्दछ’ प्रवक्ता काफलेद्धारा जारी गरिएको सार्वजनिक अपिलमा भनिएको छ ।