मोटरसाइकल दुर्घटनामा एकको मृत्यु
सिन्धुली : वीपि राजमार्ग अन्तरगत सिन्धुलीको खुर्कोट नेपालथोक सडक खण्ड अन्तरगत रिठ्ठे भिर नजिक मोटरसाइकल दुर्घटना हुँदा एक जनाको मृत्यु भएको छ ।
मृत्यु हुनेमा धनुषाका २६ वर्षीय प्रदिप दुलाल रहेको जिल्ला प्रहरी कार्यालय सिन्धुलीका प्रहरी नायव उपरिक्षक सुवासचन्द्र बोहोराले जानकारी दिए । दुलाल सवार काठमाडौंबाट धनुषातर्फ आउदै गरेको बा ४८ प ५६४६ नम्बरको मोटरसाइकल तीव्र गतिका कारण दुर्घटनामा परेको थियो ।
सडक छेउमा रहेको पिल्लरमा ठोकिएर दुलाल सडकबाट ३५ मिटर तल खसेका थिए । मोटरसाइकल सडकमा नै रहेको प्रहरीले जनाएको छ । तीव्र गतिमा रहेको मोटरसाइकल ठोक्किदा चालक दुलाल उछिटिएर तल खसेको प्रहरीले जनाएको छ ।
सडकबाट ३५ मिटर तल खसेका दुलाललाई प्रहरीले उद्धार गरि थप उपचारका लागि धुलीखेलतर्फ लगेपनि उनको बाटोमै मृत्यु भएको छ ।
प्रतिक्रिया दिनुहोस !
