सिन्धुली : लगातारको वर्षापछि आएको बाढीले बगाएका कमलामाई नगरपालिका-२ चियाबारीका दिप बहादुर खत्रीलाई जिवितै उद्धार गरिएको छ ।
खत्रीलाई ग्वाङ्गखोलाले बगाए पनि स्थानीयले देखेपछि झण्डै १ सय मिटर तलबाट उनलाई सकुशल उद्धार गरिएको हो ।
सुक्रबारदेखि परेको अविरल वर्षाका कारण ग्वाङ्गखोलामा आएको बाढीले खोला तर्ने क्रममा खत्रीलाई बगाएको देखेपछि जिल्ला समन्यव समिति सदस्य सिवि बुढाथोकी सन्तोषको नेतृत्वमा उद्धार गरिएको हो । उद्धार पछि घाइते अवस्थामा रहेका खत्रीको सिन्धुलीमाढी स्थित मोर्डन एपोलो अस्पतालमा उपचार भइरहेको प्रहरीले जनाएको छ ।
प्रतिक्रिया दिनुहोस !
