काठमाडौ : राष्ट्रिय जनता पार्टीले बाढी र पहिरोबाट प्रभावित स्थानहरुलाई बाढीग्रस्त क्षेत्र घोषणा गर्न सरकारसँग माग गरेको छ । सो पार्टीको अध्यक्षमण्डलको सोमबार बसेको बैठकले बाढी पहिरोबाट पीडित मृतकका परिवार,घाइते,धनमाल गुमाएकाहरुको युद्धस्तरमा बचाउ र उद्धार गरी राहत प्रदान गर्न,आपतकालीन विपद व्यवस्थापन गर्न सरकारसँग माग गरेको हो ।
बाढी पीडितहरुको राहतका लागि पार्टीका सबै संसद सदस्यहरुले एक महिनाको तलव बराबरको रकम दिने निर्णय पनि सो पार्टीले गरेको छ । बैठकले पार्टीको अध्यक्ष मण्डलसहितका नेता तथा कार्यकर्ताको तर्फबाट सबै प्रकारको नगदी र जिन्सी सहयोगका लागि पार्टी पंक्ति र पार्टी सम्बद्ध सबैलाई आब्हान गरेको छ ।
राहतलाई प्रभावकारी रुपमा अगाडि बढाउन मुलुकभरका उद्योगपति,व्यवसायी,स्वदेशी तथा विदेशी संघ संस्था,नियोग र दाता एवं् दातृ निकायलाई नगदी र जिन्सी सहयोग गर्न पनि बैठकले आब्हान गरेको छ ।
प्रतिक्रिया दिनुहोस !
