पाँच सय घरपरिवार विस्थापित
गाईघाट: लगातारको बर्षापछि आएको बाढी पहिरोका कारण उदयपुरका करीव ५ सय घर परिवार विस्थापित भएका छन । ७२ घण्टादेखिको लगातार वर्षाले घरखेत डुवानमा परेपछि सबैभन्दा बढी बेलका नगरपालिका र त्रियुगा नगरपालिका असर पुर्याएको हो।
बेलकाको वडानं २ को भागलपुर, त्रियुगा नगरपालिकाको वडानं २ को खैजनपुर, ३ को मोतिगडा, हात्तिमारा र प्रभातटोल आसपास क्षेत्रका स्थानीयबासी विस्थापित भएका हुन्। भागलपुरका करिव ३ सय घर सप्तकोसीको भंगालोले डुवाएको छ भने खैजनपुरको ६५, मोतिगडाको ४५, हात्तिमारा र प्रभातटोलका ५० भन्दा बढी घरपरिवार विस्थापित भएको जनाइएको छ।
बाढी पहिरोका कारण ३ अरव भन्दा बढीको क्षति भएको बताइएको छ। विस्थापितहरुलाई सम्बन्धित नगरपालिका, स्थानीय प्रशासन र जिल्ला दैविप्रकोप उद्धार समितिले तत्काल उद्धार गरी बिद्यालय, क्याम्पस र सार्वजनिक भवनहरुमा राखेको छ।
प्रतिक्रिया दिनुहोस !
