पोखरामा सैनिकले गरे सहकर्मीको हत्या
पोखरा : फेवाताल किनारको रत्न मन्दिर(तत्कालीन राजदरबार) मा गएराति नेपाली सेनाका प्युठ वसन्त लोहारले आफ्नै सहकर्मी गणेश विष्टको गोली हानी हत्या गरेका छन् ।
आपसी मनमुटावका कारण दार्चुलाका लोहारले वैतडीका विष्टमाथि गोली चलाएको र लोहारलाई प्रहरीले नियन्त्रणमा लिएको सुरक्षा स्रोतले जनाएको छ ।
रत्न मन्दिर तत्कालीन दरबारको पोखरा आवास हो । अहिले उक्त दरबार नेपाल ट्रस्टको स्वामित्वमा छ । यसको सुरक्षा नेपाली सेनाको पोखरा फूलबारीस्थित सिद्धबक्स गणले गर्दै आएको छ ।
प्रतिक्रिया दिनुहोस !
