ग्लोबल रिच नेपालको आयोजनामा सोमबार अस्ट्रेलियन युनिभर्सिटी मेला सम्पन्न भएको छ । होटल डेला अन्नपूर्ण दरबारमार्ग काठमाडौंमा सम्पन्न उक्त मेलाको उद्घाटन नेपालका लागि अस्ट्रेलियन राजदुत पिटर बुड्डले गरेका थिए।
नेपालमा भएका अस्ट्रेलियन युनिभर्सिटी मेलामध्ये यो हालसम्मकै ठूलो भएको आयोजकको दाबी छ । शैक्षिक मेला बिहान १० देखि सा“झ पाँच बजेसम्म सञ्चालन हुने भनिए पनि अत्यधिक विद्यार्थीको आगमनले मेला सा“झ ६ बजेसम्म सञ्चालन भएकोे थियो।
मेलामा अस्ट्रेलियाका उत्कृष्ट २८ युनिभर्सिटीको सहभागिता रहेको आयोजक संस्थाले जनाएको छ। मेलामा सहभागी विद्यार्थीले नेपाली विद्यार्थीले अस्ट्रेलियमा पाउने छात्रवृत्तिलगायत त्यहाँ जाने प्रक्रियाबारे जानकारी लिएका छन्।
१२ सयभन्दा बढी विद्यार्थीले मेलामा सहभागी विभिन्न युनिभर्सिटीका प्रतिनिधिसँग सीधै भेटघाट गर्नुका साथै युनिभर्सिटीबारे प्रत्यक्ष जानकारी हासिल गरेका छन् ।
प्रतिक्रिया दिनुहोस !
