काभ्रेको बनेपामा आगलागी, ६ पसलमा क्षति
बनेपा : काभ्रेको बनेपा नगरपालिका–८ तिनदोबाटो स्थित करुणा मार्गमा आगलागी हुँदा ६ वटा पसलमा क्षति पुगेको छ । मंगलबार विहान १० बजे ईन्द्रीणी मःम होटलबा शुरु भएको अगलागीले अन्य पाँच होटल तथा पसलमा क्षति पुगेको जिल्ला प्रहरी कार्यालय बनेपाले जानकारी दिएको छ ।
ईलाका प्रहरी कार्यालय बनेपाका इञ्चार्ज अनिल घिमिरेका अनुसार आगलागीबाट न्यू फ्रेडसिप टेलरिङ्ग सेन्टर, भीमेश्वर सर्टिङ्ग सुटिङ सेन्टर र एउटा कस्मेटिक पसल लगायत अन्य ३ वटा होटलमा सामान्य क्षति पुगेको छ ।
आगो नियन्त्रणका लागि बनेपा नगरपालिका र धुलिखेल नगरपालिकाको मिनि दमकल र भक्तपुरबाट जुद्धवारुण यन्त्र झिकाएर झिकाइएको थियो । प्रहरी र स्थानीयको प्रयासमा आगो नियन्त्रण गरिएको थियो ।
के कारणले आगलागी भएको र आगलागीबाट के कति क्षति भयो भन्ने एकीन विवरण प्राप्त नभएकोे प्रहरी निरीक्षक घिमिरेले जानकारी दिए ।
प्रतिक्रिया दिनुहोस !
