काठमाडौ बाढी,पहिरो र डुवानका कारण उत्पन्न प्रकोपबाट एक सय ११ जनाको निधन भएको छ । व्यवस्थापिका संसदमा सम्बोधनमा सम्बोधन गर्दै गृहमन्त्री जनाद्र्धन शर्माले विभिन्न जिल्लाहरुमा बाढी, पहिरो र डुबानका कारणले मृत्यु हुनेहरुको संख्या एक सय ११ पुगेको जानकारी गराएका हुन ।
प्रभावित जिल्लाहरुका ८० प्रतिशत भूभागका साथ हजारौं घर डुबानमा परेको, ३५ जना हराइरहेको,हजारौ जनता विस्थापित, दशौं हजार घरहरु डुबानमा परेको गृहमन्त्री शर्माले बताए ।
उनले बाढीबाट मृत्यु भएका परिवारलाई प्रतिव्यक्ति दुई लाख र घर मर्मत गर्न १० हजार रुपैया वितरण समेत सुरु भएको जानकारी दिए । क्षतिको बिस्तृत विवरण संकलन भइरहेको पनि गृहमन्त्री शर्माले बताए ।
“सरकारले उद्धार र राहत सामाग्री वितरणमा सम्पुर्ण शक्ति, श्रोत र साधन परिचालन गरेको छ” उनले भने“बाढी पीडित परिवारमा रोगको संक्रमण नफैलियोस भनेर जनसंख्याका आधारमा चिकित्सक परिचालन गरिएको छ ।”
जनकपुरलाई आधार बनाएर तीन वटा हेलिकोप्टर, नेपालगञ्ज आधार बनाएर एउटा हेलिकोप्टर परिचालन गरिएको मन्त्री शर्माले बताए । मन्त्री शर्माले बुधवारसम्म राहत वितरण गरिने जानकारी गराए ।
अबोध बालकलाई कोशीमा बगाउनु पर्ने ह्रदय विदारक अवस्था आएको उल्लेख गर्दै, मन्त्री शर्माले प्रभावित क्षेत्रका सांसदहरुलाई आफ्नो क्षेत्रका सुचना र समस्या केन्दित गरेर राहतको विवरणमा सहकार्य गर्न आग्रह गरे ।
“जल मग्न भएर भयावह स्थिति पैदा भएको छ,” उनले भने “स्थानिय स्तरमा सुरक्षा निकाय र स्वास्थ्य चौकी पनि डुबानमा परेका छन । बाढी सुरु भए देखिनै ब्यारेकबाट सेना, प्रहरी र शसस्त्र प्रहरीले हजारौंलाई उद्धार गरिएको छ ।”
प्रतिक्रिया दिनुहोस !
