नेपालगञ्ज : बाँकेको नेपालगन्जस्थित एक होटलबाट करिब सवा दुई किलो सुनसहित तीन जनालाई प्रहरीले पक्राउ गरेको छ । शनिबार राति करिब साढे नौ बजे कारकाँदोमा रहेको होटल रोयल प्यालेसको कोठाबाट सुनसहित तीन जना पक्राउ परेका हुन् ।
क्षेत्रीय अनुसन्धान ब्यूरो (आरआईटी)को टोलीले बाँके बैजापुर बस्ने मंगल प्रसाद थारु, सिन्धुपाल्चोक बाहैविसे नगरपालिका-५ बस्ने कृष्णलाल श्रेष्ठ र जाजरकोटको सेफुखोला घर भई दाङको तुलसीपुर बस्ने पूर्ण बहादुर विकलाई सुन सहित पक्राउ गरेको हो ।
उनीहरुको साथबाट ५ वटा विस्कुट आकारमा रहेको सुन बरामद भएको ब्यूरोका एक प्रहरीले जानकारी दिए । पक्राउ परेका तीनै जना र बरामद सुन जिल्ला प्रहरी कार्यालय बाँकेमा थप अनुसन्धानका लागि पठाइको छ ।
प्रतिक्रिया दिनुहोस !
