बालुवा निकाल्न गएकी महिलाको मृत्यु
जुम्लाः दैनिकी गुजारा चलाउनका लागि खोलामा बालुवा निकाल्न गएकी महिलाको खोलाले बगाएर मृत्यु भएको छ। बालुवा निकाल्दै गर्दा एक्कासी खोलाले बगाउँदा चन्ददनाथ नगरपालिका ७ छिनाकी २४ बर्षीया पार्वती भण्डारीको मृत्यु भएको हो।
एक दर्जन बढी सहयात्रीको साथमा तीला नदि छेउमा बालुवा निकाल्दै गर्दा बगाएको हो। बिहान साढे सात बजेतिर बगेकी भण्डारीलाई साथमा रहेका प्रेम नेपालीले उद्दार गरेको जिल्ला प्रहरी कार्यालय जुम्लाले जनाएको छ।
उद्दारपछि थप उपचारका लागि कर्णाली स्वास्थ्य विज्ञान प्रतिष्ठानमा लगिए पनि सोमबार दिउँसो १२ बजे तिर निधन भएको प्रहरी नायब उपरीक्षक गुरु विष्णु काफ्लेले बताए।
प्रतिक्रिया दिनुहोस !
