अख्तियारले बाढीपहिरो पीडितलाई १५ दिन बराबरको रकम सहयोग गर्ने
काठमाडौं: अख्तियार दुरुपयोग अनुसन्धान आयोगका प्रमुख आयुक्त र आयुक्तहरुले बाढी-पहिरो पीडितलाई १५ दिन बराबरको रकम उपलब्ध गराउने भएका छन्। सोमबार अख्तियार दुरुपयोग अनुसन्धान आयोगले एक विज्ञप्ति जारी गर्दै सो कुराको जानकारी दिएको हो।
विज्ञप्तिमा भनिएको छ ' नेपालमा आएको बाढी पहिरो पीडित नेपालीजनको सहयोगार्थ आयोगकका प्रमखु आयुक्त र आयुक्तहरुको १५ दिनको पारिश्रमिक बराबरको रकम उपलब्ध गराउने निर्णय गरियो।'
विशिष्ट कर्मचारीहरुको हकमा सुरुको पाँच दिन बराबरको रकम, राजपत्रांकित प्रथम श्रेणीका कर्मचारीको हकमा सुरुको चार दिन बराबरको रकम, द्धितीय र तृतीय श्रेणीको कर्मचारीको हकमा सुरुको तीन दिन बराबरको रकम, राजपत्र अनकिंतको कर्मचारीको हकमा दुई दिन बराबरको रकम र श्रेणी विहीन कर्मचारीको हकमा एक दिन बराबरको रकम उपलब्ध गराउने आयोगका प्रवक्ता एवं सहसचिव जीवराज कोइरालाद्वारा जारी विज्ञप्तिमा जनाइएको छ।
प्रतिक्रिया दिनुहोस !
