बेइजिङ : अमेरिकी स्वास्थ्य तथा मानवीय सेवा मामिला हेर्ने निकायका प्रमुख टम प्राइसले सोमबार चीनको प्रशंसा गरेका छन् । दुखाई कम गर्न प्रयोग गरिने नशालु पदार्थको अत्यधिक प्रयोगका कारण अमेरिकीहरूको मृत्यु हुने गरेको पाइएपछि उक्त समस्याको समाधानका लागि चीनले गरेको सहकार्यका लागि प्राइसले चीनको प्रशंसा गरेका हुन ।
अमेरिकामा लागूपदार्थका दुब्र्र्यसनीले आफूलाई चाहिने नशालु पदार्थको स्रोत चीनलाई पनि बनाउने गरेका थिए । यस्ता सामग्रीको निर्यातमा रोक लगाउन अमेरिकाले गरेको आग्रहलाई चीनले सवैभन्दा पहिले प्रतिक्रिया जनाएको थियो । चीन भ्रमणमा रहेका प्राइसले चीनको प्रशंसा गरेका हुन ।
उनका अनुसार फेन्टानिल नामक नशालु पदार्थको अत्यधिक प्रयोगका कारण हजारौँ अमेरिकी नागरिकको अल्पायुमा ज्यान जाने गरेको छ । यसको प्रयोगले अमेरिकी युवाको नकारात्मक क्रियाकलापमा लत लाग्ने गरेको विभिन्न अनुसन्धानले बताएपछि नियन्त्रणका लागि पहल शुरु गरिएको थियो ।
प्राइसले अमेरिकी समाचार संस्था (एपी)सँगको कुराकानीमा भने, “जव फेन्टानिल जस्ता कुनै औषधिको प्रयोगबाट समस्या आउँछ त्यसको नियन्त्रण तथा समाधानमा सहयोग गर्ने चीन विश्वसनीय साझेदार हुने गरेको छ ।”
ठूलो चुनौति भनेको लागू औषध प्रयोगकर्ताले एउटा रसायनिक पदार्थको प्रयोगबाट बनाइएका नशालु औषधिको सट्टा अर्को प्रयोग गर्ने बानीले समस्याको समाधानमा अफ्ठ्यारो परेको उनको भनाई थियो ।
अमेरिकामा फेन्टानिलको प्रयोग गर्ने बानी परेका युवालाई लतबाट छुटाउने प्रयासमा गत महिना अमेरिकाको अनुरोधपछि चीनले फेन्टानिलको सट्टा यू–४७७०० र अन्य तीन प्रकारका औषधि बजारमा ल्याएको थियो। चीनमा
नियन्त्रणमा फेन्टानिल तथा कारफेन्टानिलको कानुनी विकल्पमा यू–४७७०० को प्रयोग दिइएको थियो । तर अमेरिकामा यू–४७७०० नशाका लागिे प्रयोग गर्ने व्यक्तिको सङ्ख्या दिन प्रतिदिन बढ्दै गएको प्राइसले बताए । रासस/एपी
प्रतिक्रिया दिनुहोस !
