भोजपुर : भोजपुरमा एक पुरुषको शव भेटिएको छ । भोजपुर नगरपालिका १२, टक्सारस्थित पिखुवा खोला नजिकै भोजपुर नगरपालिका ११, आम्तेक निवासी ६७ वर्षीय वृद्ध शम्शेर राई सोमबार साँझ मृत अवस्थामा फेला परेका हुन् ।
भतिजाको विहेको रित लिएर घरबाट हिँडेका राई फर्कदा सोमबार बाटो हिँडिरहेका एक बटुवाले मृत अवस्थाम देखेपछि प्रहरीलाई खबर गरेका थिए ।
घटनाको विषयमा अनुसन्धान प्रक्रिया अगाडि बढाइएको जिल्ला प्रहरी कार्यालय भोजपुरका इन्सपेक्टर खेम नेपालले जानकारी दिए । राईको शवलाई जिल्ला अस्पताल भोजपुरमा पोष्टमार्टमका लागि राखिएको छ ।
प्रतिक्रिया दिनुहोस !
