काठमाडौंः नेपाली कांग्रेससका नेता बिमलेन्द्र निधिलाई कार्यवाहक सभापतिको जिम्मेवारी दिइएको छ।
पाँच दिने भारत भ्रमणमा जानु अघि पार्टी सभापति समेत रहेका प्रधानमन्त्री शेरबहादुर देउवाले नेता निधिलाई कार्यवाहक सभापतिको जिम्मेवारी दिएका हुन्। निधि कांग्रेसको पूर्वमहामन्त्री हुन् भने सरकारमा उपप्रधानमन्त्रीका रुपमा जिम्मेवारी सम्हालिसकेका छन्।
कांग्रेसको महाधिवेशन सम्पन्न भएको डेढ बर्षसम्म पनि पदाधिकारीसहित केही केन्द्रीय सदस्य मनोनित गर्न बाँकी छ। उपसभापति पद खाली भएका कारण पूर्वमहामन्त्री निधिलाई देउवाले कार्यवाहकको जिम्मेवारी दिएको कांग्रेसले जनाएको छ। निधि देउवाका विश्वासपात्र नेता मानिन्छन्।
प्रतिक्रिया दिनुहोस !
