काठमाडौं: जापानको चर्चित कस्मेटिक ब्रान्ड नेपाली बजारमा प्रवेश गरेको छ । भारतमा कोसे कर्पोरेसनको सफलतापछि जापानी ब्रान्ड नेपाल भित्रिएको हो । सन् १९४७ सालमा स्थापित कोसे कर्पोरेसनले आफ्ना ग्राहकको आवश्यकताअनुसार उच्च गुणस्तरीय ब्रान्ड बजारमा ल्याएको छ ।
स्वच्छ, सफा र सुन्दर छालाको विकासमा आधारित रहेर स्पावेकले ३० वर्षसम्मका सहरी महिलालाई लक्षित गरेर कस्मेटिक सामग्री ल्याएको हो । स्पावेकले वातावारणका हानिकारक प्रभावविरुद्ध हरेक महिलाको छाला जोगाउने लक्ष्य लिएको जनाएको छ । स्पावेकका उत्पादनमा स्पावेक ह्वाइटनिङ ट्रिपल केयर सेरम एन्ड स्पावेक एज सोलुसन इन्टेन्सिभ सेरम छन् ।
यिनको मूल्य दुई सय ३१ देखि एक हजार दुई सय ७८ रुपैयाँसम्म रहेको कम्पनीको भनाइ छ । स्पावेकसँग भएको सहकार्यबाट कम्पनी निकै खुसी रहेको भास्कर टे«डिङका निर्देशक विकास पालिखेले बताए । यसबाट कम्पनीले जापानको समुद्री तत्वबाट निर्मित सक्कली उत्पादन नेपाली महिलामाझमा ल्याउन पाएको उनले बताए ।
प्रतिक्रिया दिनुहोस !
