ब्राउन सुगर सहित चार युवा पक्राउ
तुलसीपुर: दाङमा ब्राउन सुगर सहित चार जना युवालाई प्रहरीले पक्राउ गरेको छ। तुलसीपुर उपमहानगरपालिका वडानं ६ वरुगाउँवाट शनिवार ब्राउन सुगर सहित ४ जना युवाहरुलाई प्रहरीले नियन्त्रणमा लिएको जनाएको छ।
लागु औषध सेवन गरिरहेका छन भन्ने गोप्य सुचनाका आधारमा गएको प्रहरी गस्ती टोलीले वडानं ६ वस्ने वर्ष २० को सन्तोष गुरुङ, दंगीशरण गाउपालिका वडानं ५ वस्ने वर्ष २९ को एकानन्द न्यौपाने, सुदिर गुरुङ, र सविन केसीलाई प्रहरीले नियन्त्रणमा लिएर अनुसन्धान गरिरहेको ईलाका प्रहरी कार्यालय तुलसीपुर दाङले जनाएको छ।
प्रहरीका अनुसार सन्तोष गुरुङको साथवाट ०.५०ग्राम खैरो रङको व्राउन सुगर जस्तो देखिने धुलो र एकानन्द न्यौपानेको साथवाट नाईटाभेट नामक मनोदिप औषधी थान २ पत्ता ३० टयावलेट फेलापरेको ईलका प्रहरी कार्यालय तुलसीपुरले जनाएको छ।
प्रतिक्रिया दिनुहोस !
