बोधगया(भारत): मित्रराष्ट्र भारतको राजकीय भ्रमणमा रहेका प्रधानमन्त्री शेरबहादुर देउवाले आइतबार बिहार राज्यस्थित बोधगयाको दर्शन गरेका छन्।
बोधगया गौतमबुद्धले बुद्धत्व प्राप्त गरेको महत्वपूर्ण स्थान हो। प्रधानमन्त्री देउवा शनिबार बोधगया पुगेका थिए।
प्रधानमन्त्री देउवासहितको नेपाली प्रतिनिधिमण्डल आइतबार अपराह्न ३ बजे एयर इन्डियाको विशेष चार्टर्ड विमानबाट नयाँदिल्ली प्रस्थान गर्नेछ।
नयाँदिल्लीमा आयोजना हुने विशेष बिदाइ समारोहपछि प्रधानमन्त्री देउवा बेलुका स्वदेश प्रस्थान गर्ने कार्यक्रम छ। रासस
प्रतिक्रिया दिनुहोस !
