पथरी (मोरङ): नेपाली कांग्रेस केन्द्रीय सदस्य एवं सांसद अमृत अर्यालले नीजि प्रयासमा करिब रु ५० लाख मूल्य बराबरको खाद्यान्न र अन्य सामग्री बाढीपीडितलाई राहतका रुपमा वितरण गरेका छन्।
बाढी सुरु भएयता १३ दिनमा अर्यालले विराटनगरसहित जहदाका १० हजारभन्दा बढीलाई राहत दिएका हुन्। उनले एक हजार ६०० क्विन्टल चामल, तीन हजार त्रिपाल, ५०० क्विन्टल दाल, ५०० क्विण्टल चिउरा र भुजा, १० हजार थान झुल वितरण गरेका छन्।
अर्यालको पहलमा जहदामा एक हप्तासम्म भोजन गराइएको थियो। एलाइन्स फर डिजास्टर रिलिफ काठमाडौँको सहयोगमा सांसद अर्यालले जहदाका बासिन्दलाई वितरण गरेका हुन्। जहदा-३, ४, ५ र ७ वडाका ५५० परिवारलाई १५ किलो चामल, तीन किलो दाल, एक-एक लिटर तेल, नून, एक पौवा मसला, एक थान त्रिपाल र एक थान झुल वितरण गरियो।
रिलिफका संयोजक विकास सापकोटाको नेतृत्वको टोलीले रु १५ लाख बराबरको राहत अर्यालमार्फत वितरण गरिएको हो। अर्यालले मोरङ-५ का बाढीपीडितलाई पहिलोचरणमा न्यूनतम आवश्यकताका राहत वितरण गरिएको र दोस्रो चरणमा फाउण्डेशनबाट एक हजारलाई नयाँ घर बनाइदिने घोषणा गरे। रासस
प्रतिक्रिया दिनुहोस !
