भोजपुर : बाटोमा हिँड्ने क्रममा भिरबाट लडेर एक सशस्त्र प्रहरी सईको मृृत्यु भएको छ । मोरङको उर्लाबारी घर भएका सशस्त्र प्रहरी नायब निरिक्षक मनकुमार श्रेष्ठ आईतबार दिउँसो लडेर मृत अवस्थामा भेटिएका थिए ।
दक्षिणी आमचोक गाउँपालिका २, यूँ स्थित सशस्त्र प्रहरी बेस क्याम्पबाट भोजपुर सदरमुकामतर्फ आउने क्रममा रामप्रसाद राई गाउँपालिका ५, मानेभञ्जाङस्थित भिरबाट लडेर घटनास्थलमै मृत्यू भएको जिल्ला प्रहरी कार्यालय भोजपुरले जनाएको छ ।
सई मनकुमार श्रेष्ठको शवलाई पोष्र्टमार्टमका लागि धरानस्थित विपी कोईराला स्वास्थ्य विज्ञान प्रतिष्ठानमा लगिएको छ । पोष्र्टमार्टमपछि शवलाई परिवारको जिम्मा लगाईने जिल्ला प्रहरी कार्यालयले जनाएको छ ।
प्रतिक्रिया दिनुहोस !
