काठमाडौं : नेकपा (माओवादी केन्द्र)को हेडक्वार्टरको विघटन भएको छ । पार्टीको हेडक्वार्टरको आइतबार बसेको बैठकले ३५ सदस्यीय सो निकायलाई विघटन गर्ने निर्णय गरेको हो ।
अध्यक्ष पुष्पकमल दाहाल ‘प्रचण्ड’ धनगढीबाट काठमाडौं फर्किएपछि बसेको बैठकले पार्टीको कार्यकारी निकाय केन्द्रीय सचिवालयलाई बनाउने निर्णय गरिएको प्रवक्ता पम्फा भुसालले जानकारी दिइन् । पार्टीले दुई अंकको केन्द्रीय समिति बनाउने निर्णय गरे अनुसार हेडक्वार्टरलाई विघटन गरेर ९९ सदस्यीय केन्द्रीय सचिवालयलाई कार्यकारी निकाय बनाउने निर्णय गरेको हो ।
पार्टीमा चार हजार भन्दा बढी सदस्य रहेको केन्द्रीय महाधिवेशन आयोजक समिति गठन गरिएको छ । समिति भद्दा भएको भन्दै पार्टी भित्रैबाट विरोध हुँदै आएको छ । तर, पार्टीको महाधिवेशनको मिति भने तोकिएको छैन ।
प्रतिक्रिया दिनुहोस !
