काठमाडौं : सेनाको रक्षा संवाददाता अभिमुखीकरण सुरु भएको छ। जंगी अड्डामा आइतबार सैनिक सम्पर्क तथा सूचना निर्देशनालय प्रमुख झंकरबहादुर कडायतले अभिमुखीकरण उद्घाटन गरे। विभिन्न सञ्चारमाध्यमका रक्षा संवाददातालाई सेनाको सञ्चालन, विकास निर्माण र शान्ति सेनालगायत विषयमा जानकारी दिन सेनाले अभिमुखीकरण सञ्चालन गरेको हो।
अभिमुखीकरणको यो पाँचौं संस्करण हो। प्रवक्ता कडायतले सेनाले गर्दै आएको कामबारे सञ्चारकर्मीलाई जानकारी दिन र रक्षा संवाददाताको क्षमता अभिवृद्धि गर्न अभिमुखीकरण गरिएको बताए। सेनाले बुधबारदेखि रक्षा संवाददातालाई उपत्यकाबाहिर फिल्ड भिजिट गराउँदै छ। अभिमुखीकरण एक साता चल्नेछ।
प्रतिक्रिया दिनुहोस !
