काठमाडौं : एनएमबी माइक्रोफाइनान्स वित्तीय संस्था लिमिटेडले लघुवित्त अभिमुखीकरण तालिम आयोजना गरेको छ । संस्थाले कर्मचारीलाई नयाँ क्षेत्रमा काम गर्न सहज होस् भनेर लघुवित्तसम्बन्धी आवश्यक ज्ञान दिने उद्देश्यले तालिम सुरु गरेको हो । तालिमको उद्घाटन पोखराको पृथ्वीचोकस्थित होटल स्टार रबिमा संस्थाका प्रमुख कार्यकारी अधिकृत तिर्थरत्न कोनाजोले गरेका थिए । कोनाजोले लघुवित्तको परिचय, यसको सुरुवात र लघुवित्तको इतिहासबारे चर्चा गरेका थिए ।
लघुवित्तमा काम गर्ने कर्मचारीको आवश्यक ज्ञान, सीप र दक्षता अभिवृद्धि गर्न तालिमको आयोजना गरिएको उनले बताए । तालिम व्यक्तिको वृत्ति विकासमा महत्र्वपूर्ण औजार भएकाले यसको आवश्यकता रहेको उनले बताए । ग्रामीण क्षेत्रमा काम गर्ने कर्मचारीमा सकारात्मक सोच हुनुपर्ने र समुदायमा रहेका हरेक व्यक्तिलाई सम्मानजनक व्यवहार गर्नुपर्ने उनले बताए । ग्रामीण क्षेत्रका मानिस मिहिनेती, इमान्दार र विश्वासिलो हुने भएकाले लघुवित्त कार्यक्रम सहरभन्दा ग्रामीण क्षेत्रमा बढी प्रभावकारी देखिएको कोनाजोको भनाइ छ ।
प्रतिक्रिया दिनुहोस !
