काठमाडौं : बुढानिलकण्ठ नगरपालिका तथा प्रभु बैंकको संयुक्त आयोजनामा काठमाडौंको बुढानिलकण्ठ नगरपालिकास्थित बाँसवारीदेखि गणेशचोकसम्म मुल सडकको दायाँबायाँ दुवै किनारामा वृक्षरोपण कार्यक्रम आयोजना भएको छ । ‘क्लिन एन्ड ग्रिन बुढानिलकण्ठ’ भन्ने नाराका साथ वृक्षरोपण कार्यक्रम आयोजना भएको थियो ।
उक्त वृक्षरोपण कार्यक्रमको उद्घाटन बुढानिलकण्ठ नगरपालिकाका नगर प्रमुख उद्धवप्रसाद खरेल र प्रभु बैंक लिमिटेडका प्रमुख कार्यकारी अधिकृत अशोक शेरचनले संयुक्त रूपमा गरेका थिए । कार्यक्रममा स्थानीय वडा प्रतिनिधि, नगरपालिकाका कर्मचारी, प्रभु बैंक लिमिटेडका कर्मचारी तथा स्थानीयको बाक्लो उपस्थिति थियो ।
वृक्षरोपण कार्यक्रममा नगर प्रमुख खरेलले वृक्षरोपणका लागि प्रभु बैंकले उपलब्ध गराएको सहयोगप्रति आभार प्रकट गरेका थिए । प्रभु बैंकका प्रमुख कार्यकारी अधिकृत शेरचनले प्रभु बैंकले आफ्ना ग्राहकलाई गुणस्तरीय बैंकिङ सेवा उपलब्ध गराउनुका साथै अतिरिक्त सामाजिक उत्तरदायित्वअन्तर्गत विभिन्न सहयोग गर्दै आएको छ ।
प्रतिक्रिया दिनुहोस !
