२४ वर्षीय युवक मृत भेटिए
महेन्द्रनगर : कञ्चनपुरको पुनवार्समा एक युवक मृत भेटिएका छन् । पुनवार्स नगरपालिका वडा नम्बर ९ का स्थानीय २४ वर्षीय युवक सुर्जे सार्की मृत भेटिएका हुन् । घर नजिकै ७ सय मिटर उत्तरतर्फ नालामा घोप्टो परेको अवस्थामा मृत भेटिएका हुन् ।
सोमबार बिहान उनी उक्त नालामा घोप्टो परेको अवस्थामा मृत भेटिएको कञ्चनपुरका प्रहरी प्रवक्ता डीएसपी ज्ञानबहादुर सेट्टीले जानकारी दिए । उनको शरीरको बाहिरी भागमा कुनै चोट नदेखिएको तर मुखबाट रगत निस्केको अवस्थामा फेला परेको प्रहरीले जनाएको छ । उनको पोष्टमार्टम गरेपछि मात्रै मृत्युको कारण खुल्ने प्रहरीले बताएको छ ।
मृतकको शव घटनास्थलमै रहेको अहिले मुचुल्का उठाउने काम भइरहेको डीएसपी सेट्टीले जानकारी दिए । प्रहरीले घटनाको अनुसन्धान सुरु गरिएको बताएको छ ।
प्रतिक्रिया दिनुहोस !
