ट्रयाक्टरको रोटाबेटरमा पेलिएर किसानको मृत्यु
बर्दिबास : खेत जोतिरहेको ट्रयाक्टरको रोटाबेटरमा पेलिएर महोत्तरीको गौशाला नगरपालिका— ११ स्थित लक्ष्मिनियाँमा एक किसानको ज्यान गएको छ ।
सोमबार साँझ स्थानीय ७० बर्षीय वृद्ध महादेव यादवको ट्रयाक्टरबाट खेत जोताउने क्रममा मृत्यु भएको इलाका प्रहरी कार्यालय गौशालाका प्रहरी निरीक्षक शम्भु पोखरेलले बताए ।
ट्रयाक्टरेको सिटबाट खस्दा उनी रोटाबेरटमा पेलिएका थिए । उनको घटना स्थलमा मृत्यु भएको हो ।
ज. ४ त. ८६४४ नम्बरको ट्रयाक्टरमा चढि आफ्नै आँपको बगैंचा ट्रयाक्टरबाट गोडमेल गराइरहेका बेला अचानक उनी ट्रयाक्टरबाट लडेका थिए । घटनापछि ट्रयाक्टरका चालक फरार छन् ।
घटनास्थलमा प्रहरी पुगिसकेको छ । घटनाको सम्बन्धमा थप अनुसन्धान भईरहेको प्रहरी निरीक्षक शम्भु पोखरेलले बताए । शवको पोष्टमार्टमको लागि जलेश्वर लैजाने तयारी भईरहेको प्रहरीले जनाएको छ ।
प्रतिक्रिया दिनुहोस !
