काठमाडौं: पायोनियर मोटोकर्प नेपालका लागी निसान गाडीको आधिकारिक बिक्रेता नियुक्त भएको छ। हालै उक्त कम्पनीले निसान मोटर्स कर्पोरेसन जापानसँग सम्झौतापत्रमा हस्ताक्षर गरेको छ।
उक्त सम्झौताअन्तर्गत पायोनियर मोटोकर्पले जापान, थाइल्यान्ड तथा भारतमा निर्मित निसानका उत्पादन आयात गर्नेछ। यस अवसरमा कम्पनीले नयाँ माइक्रो एक्टिभ र सन्नी डिजेलको बिक्रीको सुरुवात गरेको छ। निसान माइक्रो एक्टिभ १.२ लिटर पेट्रोल इन्जिनसहितको आकर्षक गाडी हो। सानदार बनावटका साथै यसमा उपलब्ध सुविधा पनि अन्तर्राष्ट्रियस्तरका छन्।
स्टिरिङमा अडियो कन्ट्रोल, ब्लुटुथ सुविधा, चालकको सिटको उचाइ मिलाउने सुविधाका साथै यसमा रहेका एयरब्यागले सुरक्षाको सही प्रत्याभूति गराउने कम्पनीले जनाएको छ। यो गाडी माइक्रो स्टिभ एक्सएलको मूल्य २३ लाख ९९ हजार छ। माइक्रो स्टिभ एक्सभीको मूल्य २६ लाख ९९ हजार रहेको कम्पनीले जनाएको छ।
प्रतिक्रिया दिनुहोस !
