काठमाडौं: हुन्डाईले नयाँ इलाइट आई२० आस्टा डयुल टोन सार्वजनिक गरेको छ। काठमाडौंको भृकुटीमण्डपमा जारी नाडा अटो सो २०१७ मा भौतिक संरचना र यातायातमन्त्री वीरबहादुर बलायरले पहिलोपटक सार्वजनिक गरेका हुन्।
आस्टा ड्युल टोन विभिन्न विशेषता भएको स्पोर्टी, गतिशील र नवीन ह्याचब्याक हो। यसको डिजाइनमा हुन्डाईको विकसित फ्लुइडिक स्कल्प्चर २.० सिद्धान्त प्रयोग गरिएको छ। परिष्कृत र प्रिमियम स्टाइल भएको नयाँ हुन्डाई इलाइट आई२० आस्टा ड्युल टोन हुन्डाईको छरितो बाहिरी आवरण र सहज भित्री डिजाइनलाई कायम राख्दै आनन्ददायी र स्पोर्टी लुकमा रहेको कम्पनीले जनाएको छ।
अपडेटेड आई२० आस्टाको बाहिरी आवरणका अघिल्तिर गरिएको दुई टोनका पेन्टले यसलाई नयाँ बनाएको छ। आस्टा ड्युल टोनको डिजाइनमा विकसित सौन्दर्य र आत्मविश्वास प्रमुख छन्। यसको प्रिमियम उपकरण, स्टाइल र ड्राइभिङ गतिशिलताले माथिल्लो सेगमेन्टको गाडीसरह अनुभूति दिने कम्पनीको दाबी छ। नयाँ मोडलले ग्राहकको ड्राइभिङको चाहनालाई पूर्ण गर्नुका साथै आत्मविश्वास र क्लासको अनुभूति दिने कम्पनीले जनाएको छ।
७.० आई२० सिस्टमका साथ स्मार्टफोन कनेक्टिभिटी र डाइमन्ड कट् एलो ह्विल यसका विशेषता हुन्। यसको बजार मूल्य ३६ लाख ९६ हजार रहेको कम्पनीले जनाएको छ।
प्रतिक्रिया दिनुहोस !
