मुम्बई: भारतको आर्थिक राजधानीको सहर मानिने मुम्बइमा बिहीबार बिहान एक आवासीय भवन भत्किँदा त्यसमा करिब ४० जना पुरिएको आशङ्का गरिएको छ। ती व्यक्तिको जिवीतै उद्वारका लागि ठूलो सङ्ख्याका उद्धारकर्मीले बिहानैदेखि प्रयास जारी राखेका समाचारमा जनाइएको छ।
मुम्बइको बजार इलाकाकै चार तल्ले भवन बिहीबार बिहान ८:४० मा भत्किएको थियो। त्यसमा परी अहिलेसम्म सातजनाको ज्यान गइसकेको छ। बाँकी अरु सोही भत्किएको भवनमा पुरिएर रहेको आशङ्का गरिएको छ।
मुम्बइमा दुई दिनदेखि भारी बर्षा जारी रहेको छ। सो बर्षाका कारण पनि उक्त भवन भत्किएको अुनमान गरिएको छ। भत्किएको भवनमा परी पुरिएका वा च्यापिएका व्यक्तिको उद्वारका लागि ठूलो सङ्ख्याका अधिकारी खटिएको बताइएको छ।
प्राकृतिक प्रकोप विभागका एकजना अधिकारीले दिएको जानकारीअनुसार उक्त भत्किएको भवनको भग्नावषेशबाट तीन जनाको सव निकाएको छ । सो जानकारी ती अधिकारीले चिनियाँ समाचार समिति, सिन्ह्वालाई दिएका छन्।
ती अधिकारीले चार जनालाई जिवीतै उद्वार गरिएको पनि जनाएका छन्। साथै उनका अनुसार उक्त भवनमा ४० जना पुरिएर रहेको सङ्ख्या उक्त भवनका बासिन्दाले नै जानकारी दिएका छन्।
भारतीय प्रहरीको विशेष कमाण्डोसम्मिलत ४३ जनाले उद्वारको कार्य जारी राखेको बताइएको छ। उनीहरुले दिएको जानकारीअनुसार सो भवनमा ९ जनाको परिवार बसोबास गर्दै आएको छ ।
रासस/एएफपी
प्रतिक्रिया दिनुहोस !
